KATIBU mkuu wa Jumuiya ya Wazazi Taifa  ya Chama Cha Mapinduzi (CCM) Hamis Suleiman Dadi (kulia) akimkabidhi fomu za kuwania nafasi ya uenyekiti wa jumuiya hiyo

Na Sport Lady 'Dina Ismail'

MDAU wa michezo nchini Abdallah Majura Bulembo amejitosa kuwania uenyekiti wa Jumuiya ya Wazazi Taifa wa Chama cha Mapinduzi (CCM).

Bulembo ambaye aliwahi kuwa mwenyekiti wa Chama cha Soka Mkoa wa Mara (MRFA) na mjumbe wa Kamati ya Utendaji ya Shirikisho la Soka Tanzania (TFF), alichukua fomu hizo na kuzirejesha jana hiyohiyo.

Akizungumza mara baada ya kuchukua fomu hizo, Bulembo alisema kwamba amelazimika kuwania nafasi hiyo ili kuifanyia makubwa jumuiya hiyo kwani ni mwanachama halali wa CCM na mwenye sifa hivyo anawajibu wa kuwania nafasi yoyote inayomfaa kwa lengo la kuendeleza mikakati iliyopo ndani ya jumuiya hiyo.

Hata hivyo, Bulembo ambaye katika uchaguzi uliopita aligombea nafasi hiyo na kushika nafasi ya pili nyuma ya Balozi Athuman Juma Mhina ambaye sasa ni marehemu, alisema ataweka wazi mikakati yake pindi atakapopitishwa na halmashauri kuu ya CCM.

Bulembo anakuwa mgombea wa saba kuchukua fomu za kuwania nafasi hiyo ambapo awali wanachama waliojitosa ni pamoja na John Edward Machemba, Said Ramadhan Bwanamdogo, Salim Hamis Chikago, Jasson Samson Rweikiza, Alfred Joseph Mwambeleko na Alphonce John Siwale.

Naye Katibu Mkuu wa Jumuiya hiyo Hamis Suleiman Dadi,alisema zoezi la uchukuaji na urejeshaji fomu wa nafasi mbalimbali katika jumuiya hiyo lililoanza  Agosti 22 litafikia tamati Agosti 29 mwaka huu.

Alisema mbali na nafasi ya uenyekiti, tayari baadhi wa wanachama wamejitokeza kuchukua fomu za  kuwania nafasi mbalimbali za uongoizi katika jumuiya hiyo kwa upande wa Bara na Visiwani.

Alizitaja nafasi nyingine ni pamoja na Baraza Kuu la Wazazi Bara na Zanzibar, Wajumbe wa Kamati Kuu Wazazi kwa upande wa Bana na Visiwani, Jumuiya ya Wazazi kwenda Umoja wa Wanawake (UWT) na  Jumuiya ya Wazazi kwenda Umoja wa Vijana (CCM).

mwisho

Fatma Said, Zanzibar

BINGWA wa mashindano ya netiboli ya Kombe la Mapinduzi anatarajiwa kupewa kombe na dola za Marekani 750 (zaidi ya Sh milioni moja za Tanzania).

Hayo yameelezwa na Katibu wa Kamati hiyo ya Kombe hilo, Khamis Said Abdallah wakati alipokuwa akizungumza na gazeti hili kuhusiana na mgawo wa zawadi kwa washindi wa mashindano hayo.

Alisema wanatarajia kutoa zawadi kuanzia mshindi wa kwanza hadi wa tatu na kwamba mshindi wa pili ni dola 500 wakati mshindi wa tatu ataondoka na kifuta jasho cha dola 250.

Alisema Kamati yake ilijipanga vizuri kuhusu suala la zawadi na walitarajia kutoa zaidi ya kima hicho cha fedha, lakini kutokana na sababu zisizoweza kuepukika wameshindwa kupata kiwango walichotaka kukitoa.

“Tulitarajia kutoa zaidi ya kiwango hicho cha fedha lakini tumeshindwa kutokana na sababu zisizoweza kuepukika," alisema.

Mashindano hayo ya netiboli yanashirikisha nchi sita zikiwemo Kenya, Uganda, Zambia, Zimbabwe, Msumbiji na wenyeji Tanzania.

Tayari wenyeji Tanzania kwa upande wa wanawake wamepoteza mchezo mmoja waliocheza na Uganda ambapo walifungwa mabao 38-33 wakati kaka zao walitoka kidedea kwa ushindi wa mabao 41-36 dhidi ya Uganda.

Fatma Said,
Zanzibar

PAZIA la Mashindano ya Kombe la Mapinduzi kwa mchezo wa netiboli linafunguliwa leo Zanzibar kwa mchezo kati ya timu ya Taifa ya Tanzania ‘Taifa Queens’ na timu ya Taifa ya Uganda.

Mashindano hayo yanashirikisha nchi sita na yatakuwa yakichezwa Uwanja wa Gymkhana mjini hapa.

Katika mchezo huo wa ufunguzi mgeni rasmi anatarajiwa kuwa Waziri wa Makazi, Ardhi, Maji na Nishati Ali Juma Shamuhuna saa kumi alasiri.

Akizungumza na gazeti hili Kaimu Katibu Mkuu wa Chama cha Netiboli Zanzibar (Chaneza), Rahima Yussuf alisema timu zote shiriki zilitarajiwa kuwasili jana.

Alizitaja timu nyingine zitakazoshiriki kuwa ni Zambia, Zimbabwe, Msumbiji, Kenya na Uganda.

The Pakistan Cricket Board (PCB) predicts international cricket will return to the country in 2012.

Pakistan have played all their matches overseas since the terrorists attacked the Sri Lanka team in Lahore in 2009.

But PCB chairman Zaka Ashraf has invited Bangladesh to tour, and said: "I am confident that international cricket will be revived in Pakistan."

The United Arab Emirates will host Pakistan's home series against England in the new year. England will play three Tests, four one-day internationals and three Twenty20 games in Abu Dhabi and Dubai.

Ashraf discussed hosting the Tigers with Bangladesh Cricket Board president Mustafa Kamal last week, and a security team from Bangladesh will visit Pakistan in January, ahead of a potential tour in April.

"It's like breaking the ice," Ashraf added.
"They will be meeting with top security officials of our government. We want to remove this security fear."

"Even if [Bangladesh] play two or three matches, it will send positive signals to the cricketing community around the world."

Six police officers and a driver were killed, and several players and officials injured, when gunmen opened fire on the Sri Lanka team bus on its way to the Gaddafi Stadium for the third day of the second Test.

All 27 of Pakistan's Tests and their 67 one-day internationals since the terror attacks have been played on foreign soil, and the World Cup games scheduled to be staged in the country earlier this year were moved for security reasons.

The UAE has served as Pakistan's temporary home, although Lord's and Headingley hosted two Tests against Australia in 2010.

Sri Lanka players were airlifted away following the Lahore terror attack in 2009 Even if [Bangladesh] play two or three matches, it will send positive signals to the cricketing community around the world.


BBC

KAMPUNI ya Saruji Tanga (Tanga Cement Ltd) imejitosa kupiga jeki maandalizi ya timu ya taifa ya tenisi itakayoshiriki michuano ya timu ya Davis Cup.

Timu hiyo ya taifa ya wachezaji kumi inatarajia kukaa kambini kwa wiki moja mjini Tanga kwa ajili ya maandalizi chini ya kocha Mtaliano Fabrizio Calderone.

Katibu Mkuu wa Chama cha Tenisi Tanzania (TTA) Inger Njau, alisema Dar es Salaam, kuwa kocha huyo anatarajia kuwasili nchini Desemba 11 kwa ajili ya kambi hiyo itakayoanza Desemba 14 hadi 21.

Inger aliwataja wachezaji chipukizi watakaoingia kambini ni Tumaini Martin na Goodluck Shelemo kutoka Arusha, John Njau, Abuu Khamis, Brian Mallya na Salum Msafiri wa Dar es Salaam na Yassin Shabani aliyeko Nairobi, Kenya ambao wataungana na wachezaji wakongwe Hassan Kassim na Ommary Abdalla.

Katibu huyo alijivunia kikosi hicho ambacho kinaundwa na wachezaji wengi chipukizi kwamba kitaweka historia kwa Tanzania.

Inger aliwashukuru Tanga Cement kupitia Saruji chapa Simba kwa kukubali mwito wa TTA na kusaidia timu hiyo. Hiyo itakuwa ni mara ya kwanza katika historia Tanzania kuingia kwenye kinyang’anyiro cha Davis Cup.



Habari Leo

TANZANIA wameshindwa kutumia vema uwanja wa nyumbani na kupoteza tena Kombe la michuano ya gofu ya Challenge Afrika Mashariki iliyomalizika Arusha jana.

Katika michuano hiyo timu ya wanaume ya Tanzania kwa mara nyingine wamekubali kombe kwenda Kenya ambao sasa wametwaa taji hilo kwa mara ya tisa tangu kuanzishwa mwaka 1999.

Kenya ambao mwaka jana walimaliza sawa na Uganda kwa pointi, kabla ya wenzao kupewa ubingwa kwa kigezo cha kuwa watetezi, wameibuka mabingwa kwa kukusanya pointi 21 katika michuano hiyo iliyoanza Jumatano.

Tanzania ambao wameshindwa kurejea historia ya mwaka 2002 walipotwaa taji hilo mara ya mwisho kwenye michuano iliyofanyika Arusha pia, wamemaliza katika nafasi ya pili wakiwa na pointi 19.5.

Timu ya taifa ilikuwa ikikabana koo kwa pointi 7 na Kenya katika raundi ya kwanza, lakini walipoteza mwelekeo kuanzia raundi ya pili hivyo kushindwa kutimiza kiu ya Mwenyekiti wa Baraza la Michezo la Taifa (BMT) ,Dioniz Malinzi aliyetaka timu hiyo ya wanaume kufuata nyayo za dada zao ambao walitwaa Kombe la Challenge Afrika Mashariki na Kati Dar es Salaam Agosti.

Kenya walionekana tangu mwanzo kuwa na uchu wa kurejesha taji hilo walilopoteza miaka miwili iliyopita kwa Uganda ambao safari hii wamemaliza katika nafasi ya tatu wakiwa na pointi 10, Rwanda wamekuwa wa nne pointi 5 na Burundi wameshika mkia wakiwa na pointi 4.5.

Ilikuwa timu pekee kutoka nje ambayo ilikuja Tanzania mapema kuzoea Uwanja na kushiriki michuano ya taifa ya Tanzania Open ambayo Kombe pia limekwenda Kenya.

Timu ya taifa ambayo ilikuwa chini ya kocha Farayi Chitengwa ni nahodha Frank Roman, Abbas Adam, John Leonce, John Saidi, Elisante Lembris, Nuru Mollel, Aidan Nziku na chipukizi Isaac Anania na Victor Joseph.


Habari Leo