Mabondia kutwangana Dar

MABONDIA kutoka klabu 12 za Jiji la Dar es Salaam leo wanatarajia kushiriki mashindano ya mchezo wa ngumi, yaliyopangwa kufanyika katika ukumbi wa Panandi Panandi, uliopo Ilala, jijini Dar es Salaam.

Kocha wa Klabu ya Ashanti ya Ilala iliyoandaa mashindano hayo, Rajabu Mhamila, 'Super D', alisema kuwa mashindano hayo yana lengo la kuendeleza kuhamasisha mchezo wa ngumi nchini ikiwa ni pamoja na muendelezo wa mchezo huo unaofanywa na taasisi ya Kinyogoli Foundation.

Alisema kwamba vijana watakaoshiriki watakuwa katika uzito mbalimbali kuanzia unyoya mpaka uzito wa juu ambapo pia mabondia wa kike kutoka katika klabu hizo hizo nao wanatarajiwa kuonyeshana kazi.

Super D aliongeza kuwa katika mapambano hayo mgeni mwalikwa ni Mbunge wa Ilala, Mussa Zungu, ambaye kwa mara ya kwanza atapata kushuhudia mchezo huo ukirindima katika jimbo lake.

Aidha, Super D aliwaomba wadau mbalimbali wajitokeze kuwasaidia mahitaji mbalimbali ya vijana ikiwemo maji kwa ajili ya mchezo huo kwa siku hiyo wenye nia ya kutaka kusaidia au kushiriki kwa kuchangia chochote wanaweza.



freemedia.co.tz/daima