Ijumaa ya huruma kwa waislamu Palestina

Katika pita pita yangu hii leo ni kakutana na kipeperushi cha Jumuiya Na Taasisi Za Kiislamu Tanzania katika msikiti wa Fallah uliopo Kijitonyama Dar es salaam. Kipeperushi hicho kinabeba kichwa cha habari cha Tarehe 26/08/11 IJUMAA YA HURUMA KWA WAISLAMU PALESTINA.

Na kinukuu kipeperushi hiko,
Mataifa ya kiislamu kote Duniani huitumia Ijumaa ya mwisho wa Ramadhani kufanya kumbukumbu ya madhila na mauwaji dhidi ya waislamu Palestina.

Hapa Tanzania Jumuiya ya Taasisi za kiislamu zimepanga kumbukumbu hii ijumaa ya mwisho wa Ramadhani tarehe 26/08/2011 saa 7:00 Adhuhuri mpaka saa 12:30 Alasiri, katika msikiti wa Mtoro Kariakoo Jijini Dar es salaam.

Katika mkusanyiko huu muhimu waislamu watapata fursa ya kuangalia filamu za matukio mazito na unyama unaofanywa na Israel dhidi ya Waislamu Palestina.

Wahadhiri katika mkusanyiko huu watakuwa ni Masheikh maarufu wa Tanzania na Mabalozi wa Sirya, Libya, Sudan, Iran na Palestina wamealikwa.

Katika mkutano huu pia patagaiwa machapisho na bidhaa zenye ujumbe wa kumbukumbu ya Waislamu wa Palestina.

Ndugu Waislamu kila atakaepata ujumbe huu anaombwa asambaze taarifa na ajiandae kuhudhuria bila kukosa.

KUMBUKA NI IJUMAA TAREHE 26/08/2011 SAA 07:00, MSIKITI WA MTORO.

Mwisho